Thuhmahruai

A hmasain he Blog siam thei tura hriatna min petu , Pathian ropui rawh se. He blog belhchian dawl tham taka ziak turin ka hriatnain a la tlin rih lo va, chumi vang erawh chuan pamtul mai ka tum lo leh zual a ni.Chuvangin ka hriat ang tawk leh ka thiam ang tawk ka rawn ziak chhuak ve mai a ni. Chhiarkawp kum 6 chhung deuh thaw ka lo zir tawh thin a. Nuclear Physics sawi loh General Physics ringawt pawh kum 6 vel ka lo dai tawh lo a ni.2009 atang khan Physics chu ka luhchilh leh ta chauh a.Rin ai takin ka tuiin zir nuam ka ti hle. Physics zir turin Maths ka lo zir a ni ka ti hnuhnawh ta a ni. Thalaite rilruah hian hmuh theih , khawih theih a chantir thei zirbingna hian hmun a luah hle mai . Physics chauh lo pawh zirna mual dangah pawh chutiang hmuhtheih , khawihtheih a sawi mai theih chi hian lehkha zir a ti nuam em em thin a ni. Tunlaiah ram thenkhatte Nuclear ralthuam hmanga in vona avangin mi tam takin Nuclear tih a rik chuan thil tha lo hulhualah kan ngai thin.Hei hi ngaihdan dik lo tak a ni.Tunlai thalaite chuan a nihna tak hriat chian huna ngaihdan kan siam thiam a pawimawh hle mai.Thil hi amah ngau ngau chuan a tha vek a , a hmangtute hman duh dan hian a hnua rawn khawk let tur a hril mai a ni zawk. Tunlaichhanah Nuclear Physics hian hmun pawimawh a chang hle a ni. Tuitha chakna hmanga electric lak chhuah tumna hian Nungchate , Hnam thilhlu te etc.. tamtak a tichhe thin.Mi tamtakin rilruah hliam an tuar phah bawk thin a ni.Nuclear tha chakna hmanga electric siam erawh chuan chutiang a thlen lem lo, ma'rawh chu fimkhur taka thil duan ngai tam tak a awm ve bawk a ni.Chutiang ti thiam tur chuan Nuclear Physics hriat hmasak a tul phawt mai .Chumai a ni lo damdawi thiamna lamah pawh Nuclear Physics hian hmun pawimawh a luah pha tlat a ni. Chuvangin a tuimi tan chuan insum lem lo vin i zir nasa ang u . Nakina tangkai taka kan la hman tur a ni si a. Mizo Nu-Phys 9 Oct 2010